【專訪】一連三日第六十七屆大賽車結束，中區一帶遊客熱點，未見旅客明顯增多。

　第六十七屆澳門大賽車昨正式結束，有中區零售業負責人稱，賽車期間，遊客係多了少少，但就未見人頭湧湧情況，覺得仍然好靜，藥房、化妝品店，運動裝店，市況一般。疫情前超爆人氣的街頭小食舖，都是疏疏落落得幾個人，同以前比較，檔檔都人頭湧湧，插針都難入，簡直兩個世界。

　不過，亦有例外情況，有金行負責人稱，近期生意逐漸回升，雖然還未完全同疫情前一樣，但已見曙光，可能同年尾，婚嫁增多有關。他又稱，守了差不多成年，希望可恢復過來，因呢兩日內地有些城市又出現新冠個案，香港更再爆新一輪疫情的情況，點都令人擔心，因為周邊環境對本澳都好重要，存在一定的影響。

　有自由行旅客稱，恢復自由行簽註後，第一次來澳，感覺好優閒舒服，購物、飲食都不如以前般迫爆。又認為，本澳的防疫工作好到位，市民好配合，人人載口罩，所以農曆新年前會再來購物。◇