殺入街市獲請食榴槤 余香凝論盡整腸粉

 「文青女神」余香凝(Jennifer),日前為周志文、黃芳雯(Paula)主持的香港開電視新節目《無署不在》擔任嘉賓,走訪大埔墟街巿及粉嶺聯和墟街巿,期間余香凝即場食榴槤、捉海觧,又試整布拉腸粉,盡顯女神的另一面。

 余香凝表示小時候很怕跟媽媽到街市,因為地上又濕又骯髒,但現在的街巿已經優化,地方清整、環境寬敞,而且冷氣十足,令她蠻喜歡逛街市,她說:「其實街巿係一個好有人情味嘅地方,好似今次拍攝,有個賣生果嘅姐姐,知道我鍾意食榴槤,即場開一個請我食。」

 拍攝期間,余香凝更膽粗粗去海鮮檔捉六斤重阿拉斯加長腳蟹,不過事後她謂:「細個我曾經被蟹鉗夾傷過,所以今次要拎住咁大隻蟹,真係好驚。」除了捉蟹之外,余香凝又跟師傅學整布拉腸粉,平時表現淡定的她,在廚房即顯得雞手鴨腳,更差點被蒸氣燙傷手,她表示:「見師傅整腸粉好易,但親自落場就知原來好難,我一打開個蒸籠,即被蒸氣燙傷手,差點起水泡。其實我本身有入廚,但每次走進廚房都會偏向容易受傷,唔係燙傷就切親手,試過有次煲湯,唔知點解可以被煲蓋個排氣口燙到手指起水泡,如果將來我要做個入得廚房嘅職業女性,我諗我要加倍努力先得!」

 《無署不在》為展示「食物環境衞生署」無處不在的力量,每集會邀請一位藝人,親身體驗署方不同部門的崗位,節目將於周日(十二日)晚上八時正在免費電視77台香港開電視首播。◇