前日是視帝王浩信三十七歲生日，凌晨十二時過後，壽星王浩信上載一張大晒八嚿腹肌嘅黑白爆肌照，留言：「今年給自己的生日禮物，在忙碌的拍攝進程，盡了全力，知道未是最好，但留下了一個記錄，一個里程碑，人生其中一件想做的事！感恩遇到角色需要的鞭策，繼續努力，繼續成長！」老友朱千雪、陳敏之、楊潮凱、江美儀、陳山聰、黃智雯、姚子羚等送上祝賀，不過老婆陳自瑤就無影，反而戲裏戲外同陳自瑤一樣好姊妹嘅連詩雅都有留言「Happy Birthday」！

　正當王浩信生日前夕，現年三十八歲的陳自瑤（YoYo）就喺IG爆SEED鬧爆麥晧兒搶人老公，她上載《那些我愛過的人》中，為好姊妹出頭短片，七情上面鬧爆麥皓兒：「好似你咁賤格嘅呢，我都係第一次見，咁多男人唔仲意，係要鍾意搶人老公既........」不過，就hashtag那些我愛過的人錢莉媛方書文點解呢個世界咁多綠茶婊激死我關心她的網民即讚她好戲，又問她係咪含沙射影？有人叫她「順便鬧埋搞你老公嗰啲呀！」◇