久沒露面的向海嵐（Anne）原來早於三月時已移居上海，日前Anne接受香港開電視「娛樂頭條E-news Headline」節目獨家專訪時，透露疫情下在上海的生活大受影響，不過從而亦令她悟出人生道理來！

　Anne笑道：「我因為搬屋所以來左上海，呢兩個月日日在家執嘢，執下執下發覺，一個人需要的東西其實真係唔使太多。以前我太鍾意買嘢了，買埋買埋到底有幾多係生活必需品呢？所以我開始斷捨離，希望過返簡單的生活。」

　Anne續謂：「三月份初來上海時疫情仲係好緊張，街上人同車都唔多，不過依家疫情緩和左，大家的生活都重回左正軌。呢度的防疫工作真係做得好好，垃圾分類更加難倒我，因為佢哋分得好仔細，每日倒垃圾都係一個大考驗！」至於工作方面，Anne原定九月演出舞台劇，按計劃六月開始彩排，不過她無奈說：「主辦方最終都係因為擔心人多聚集，決定取銷！呢幾個月，我耐唔耐就要在工作表中逐項逐項移除項目，果種感覺真係好心痛！」◇