李靖筠（Gladys）日前（八日）推出全新廣東歌曲《Getaway》，作為今年首隻主打歌，歌曲製作班底特意請來猛人助陣，作曲及編曲找來曾為RED VELVET、TWICE、LOONA、IZ*ONE等韓國大勢女團製作多首大熱作品的兩位音樂人 Anna Timgren 及 Gionata Caracciolo 負責。而這次的曲風對Gladys來說，既新鮮又矛盾，雖然很喜歡聽一些快、groovy的音樂，但卻笑説不擅長這類型的曲風，「呢方面不得不感謝A&R製作時嘅調適，完成品我都好滿意及喜歡。」一直希望今年首支主打推出一首Groovy、開朗的作品，《Getaway》便正正符合她的想法。

　Gladys說每次推出新歌時，都為拍MV感到興奮，這次收到歌詞後更一整個星期都睡不着，腦中不停地想MV應該怎樣拍？最後她決定自己做導演，「其實MV喺我心目中一直佔有一個很重要嘅地位，為了令今次作品更貼近自己，我邀請我嘅好朋友Karlson Tsang一起執導。」歌曲講述一個女生帶着男生出走的故事，「我眼中嘅衝動其實係經過深思熟慮，每個人總會有一啲壞壞嘅fantasy，但一直冇膽量同足夠嘅原因去完成，於是我就將呢個衝動女生帶住男朋友冒險嘅故事放喺我mv入面。」

　首次自編自導自演MV的Gladys除了邀得好友黃溢豪擔任MV男主角及KB客串一幕，更跑勻港九取景，包括油麻地戲院、數碼港海邊、薄扶林、香港仔等。對於首次執導，Gladys坦言有點「呢hea」，「嚟到今日，其實我自己都覺得自己係非常之魯莽，因為太多嘢自己唔熟悉，發現原來好多時幕後嘅人真係幫我安排咗好多好多嘢。」問到MV最喜歡的情節，Gladys說：「偷入戲院睇戲、偷車四處road trip、偷入人哋屋企當成自己屋企，戲裏戲外每一幕我都係十分享受。」◇