女子組合Super Girls與同公司的余香凝、余潔瀅及麥子樂等，日前抽空食團年飯，更順道向大家拜個早年，希望鼠年人人都開開心心，鼠年行大運，最緊要身體健康。由於眾人各有各忙，眾人笑言今次食團年飯預早一個月前約定，SG隊長Aka（趙慧珊）笑說︰「因為大家都好忙，所以以前約了很久，睇下邊日ok，已經好耐咁咁齊人，希望過年時都可以約到一日大家一齊拜年。」

　適逢麥子樂本月中四十歲生日，七位女生特別準備蛋糕，為一月之星的他補祝生日，不過當麥子樂許願時，眾人都「唔執輸」一起許願，麥子樂見狀即趁機把生日蛋糕蠟燭吹熄，由於SG仍未許願，結果不斷埋怨他在「搞事」！對於有七美相伴為他補捉生日兼送上驚喜，麥子樂笑言感動到眼濕濕，他說︰「真係幾感動，有咁多女同事同我慶祝生日，生日願望係希望大家工作順利，未來一年好好把握機會，最重要當然係過得開心同健康。」◇