寰亞「唱作女皇」王菀之（Ivana）迷戀藝術，並將會以兩年時間，去實踐一個集音樂、舞台、劇場和展覽的旅程，名為《音樂Ｘ藝術》之旅，第一站的主角是她極度喜愛的日本殿堂級藝術家草間彌生。這位九十歲紅色Bob頭婆婆，最為人熟悉的作品是圓點和大南瓜，其實她的成長故事悲壯傳奇，Ivana以此寫新歌《波點女皇》，不但一手包辦作曲、編曲、監製和主唱，更擔任MV導演，一人分飾五角！

　這是Ivana繼《突然一生人》、《忘記有時》和《沉默的士高》後，第囡次為自己的歌曲擔任MV導演，汲取之前經驗之後，Ivana要自我挑戰。她說：「過往做MV導演，因為要顧嘅事太多，所以演出好少，留返啲時間嚟望住個Mon。但其實自己歌嘅MV但無乜自己演出，好似好古怪咁，加上之前拍咗三首歌都學到少少嘢，儲到啲經驗，好想今次有進步，而且好想將《波點女皇》呢首歌嘅energy同林夕嘅歌詞更加連貫，所以由頭演到尾！」又要睇鏡頭又要演出，的確是非常高難度，而且Ivana今次在MV不斷變身，一時打鼓彈琴，一時跳踢躂舞，加上紫菜眉、紅鼻子、大咀巴等誇張妝容，目不暇給。而MV佈局亦充滿了波點、南瓜、鏡的反射、無限的和密集的空間等草間彌生作品的元素，向這位藝術女皇致敬。

　由歌曲到MV創作，全是草間彌生的故事和作品啟發Ivana，她說：「『究竟你欠了甚麼？』仰望著草間彌生，回想過去嘅自己很多目標和夢想終未能達成，可能就好似所講『或許只差一點狂』，欠了一種追夢的狂、一鼓作氣嘅力量。我沒奢望自己嘅音樂能改變世界，只想堅守自己相信嘅音樂創作，希望能以音樂令大家心中嘅『火』，繼續燃燒！」今次《音樂Ｘ藝術》之旅是她多年夢想，說：「我一直希望同自己好鍾意、好欣賞嘅藝術家連繫，然後變為可以同大家分享嘅音樂世界，好想今年實踐呢個心願。然後儲多啲呢啲歌曲，開一個音樂會，做一啲好有趣、忠於自己嘅作品。」◇