日前阿嬌鍾欣潼同未婚夫賴弘國參與嘅父母成長觀察實驗節目《爸媽學前班》播出第七集。原來拍攝期間，係阿嬌同賴弘國拍咗一周年紀念日，節目組就特別安排紀念日當日，要佢哋兩個喺倫敦街頭尋找愛情聖地，之後賴弘國重親自下廚，為阿嬌煮咗餐愛心晚餐添。

　節目播出以來，阿嬌同賴弘國經常晒恩愛，今集就更加sweet。早餐時候，賴弘國煮嘅早餐得到阿嬌嘅好評，二人用愛去開啟美好嘅一日。喺接受任務時，主持人就話俾其他三對藝人夫婦聽當日係阿嬌同賴弘國拍拖一周年紀念，嘉賓們都紛紛表示祝賀。

　當日，佢哋兩個嘅任務係「探尋愛情聖地」，於是佢哋就去搵電影《摘星奇緣》（Notting Hill）嘅拍攝場景，電影講述了一位女明星與書店老闆的戀愛故事，引發二人共鳴。佢哋仲着住白色情侶裝喺倫敦街頭搵景，可以咁輕鬆喺街頭漫步，二人都話：「十分珍惜這樣難得的自由時光。」除咗搵電影場景，賴弘國亦都準備咗驚喜，二人去到餐廳，賴弘國親自下廚煮愛心晚餐，搞到阿嬌勁冧豬，食緊嘢時，佢哋仲好深情咁對望，然後話：「一周年快樂。」

　餐後，阿嬌亦都分享咗自己心聲，「感謝他一路以來的包容與接納。」節目尾聲，二人喺「星空小屋」齊齊許願，「不要把時間定格在這一刻，每天都要有新的進步。」◇