《中信銀行（國際）Motion$呈獻：試真D唷》載譽歸來，一共10集逢星期日晚上8點翡翠台播映。

　《試真D唷》主持江美儀、朱敏瀚、吳業坤、曾展望GM及張振朗，貫徹首季輕鬆搞笑、有話直說貼地風格，衝出香港去到台北、台南及高雄「試真D」。周日（4日）一集，美儀姐將夥拍坤哥及振朗，到訪高雄「米芝蓮奇異食店」及「年青人打卡美食店」之餘，還會在台南街邊，大歎好評如潮的炭火燒美食。

　在三個「試真Ｄ唷」行動中，以米芝蓮台式餐廳的試食經驗最為過癮，皆因食店訂立了一個超奇怪規矩，就是食客只能點一次餐，就算食完發現唔夠飽，老闆娘都堅持不會再讓你再下單，而背後原因竟是因擔心任主廚的兒子太勞累！如此搞笑，美儀姐等人自然要挑戰一番，結果三人真的遭到無情拒絕，但美儀姐事後又大讚店家態度良好，到底店主是如何堅持又不失禮貌地拒絕食客呢？

　除了拒絕加單，店家還會寫明某些食物「難吃」，這點又再次挑起了美儀姐三人的好奇心，追問老闆娘何謂難食，老闆娘亦甚有耐性解釋：「挑人吃的意思，可以試呀，但我怕你浪費錢。」向以試伏見稱的「試真D」團隊自然唔會放過機會，刻意點了被標明「高級難吃」的梅乾扣肉，到底結果會點呢？另值得留意的是，小店的餸菜絕不便宜，美儀姐等人點的小菜坐底88港元起跳，其中被視為「米芝蓮」功臣的滑蛋蝦仁，當中的現剝蝦仁食到三人LamLam脷，坤哥更瘋狂爬飯，到底這家米芝蓮係超值定唔值，就要密切留意節目。

　今集三人除了試食，還貫徹搞鬼本色，首先，坤哥與振朗竟膽生毛，輪流攻擊美儀姐年紀大弱點，激到美儀姐火冒三丈，更忍不住當街咆吼：「仲未Gut夠？」但過程中又忍不住偷笑，十分抵死。另由於拍攝期間適逢張振朗生日，製作組夾埋美儀姐及坤哥送上「整蠱級驚喜」，預備了大量「吹不熄的蠟燭」招呼振朗，相當好玩。◇