Twins將於今年十二月十八至二十日假會展舉行《Twins Side by Side Concert》Sidetrack演唱會。消息一出即全城瘋搶，一票難求，不少fans都話「㩒到手都軟埋都㩒唔到飛」。主辦單位日前已經順應民意加開二十一及二十二日兩場，不過門票依然極速被掃清。今日主辦單位宣佈終極加場，加開十二月二十三日一場。由十八號唱到二十三號，一連六場，唱到跟大家預祝聖誕。

　終極加場，阿Sa直言開心又頭痕，「我自己都要上網㩒飛呀，你哋真係唔好同我爭！我自己都係得十幾張，有冇搞錯呀！哈哈。冇咩事我都係部署吓點㩒飛啦。」◇