無綫音樂節目《伯樂音樂學院20周年呈獻：J Music》，逢周六晚9點30分翡翠台播出。今集邀請了《中年好聲音》冠軍周吉佩（吉吉）、《中年好聲音3》亞軍張與辰、「聲夢男神」張馳豪（Aska）擔任嘉賓，接受主持李尹嫣（Victoria）、余宗遙（DEZ）訪問。

　《中年好聲音3》亞軍張與辰現場演繹新歌《迷戀有害》，迷幻曲風搭配溫柔細膩歌聲，再加上高音發揮，唱出極具誘惑及性感魅力，風格大膽突破，為觀眾帶來全新聽覺衝擊。談到新歌創作背後，張與辰表示：「過去嘅自己幾乎可能都係唱悲慘情歌，所以希望呢次可以畀大家聽到沉浸於愛情入面浪漫嘅自己，畀大家聽到比較唔一樣嘅自己。」

　今集「一晚限定」環節，登場嘉賓是《中年好聲音》冠軍吉吉及「聲夢男神」Aska，現場攜手合唱湯令山歌曲《玻璃》。二人深情演繹，聲線合拍，和音部份尤其出色，令人聽出耳油。吉吉受訪時謙稱功勞歸於Aska：「今次佢負責編排我哋合唱部份，音樂人特別犀利啲。」

　在節目中，吉吉及Aska先後現場演繹新歌《單眼皮大眼睛》及《樂活道》。兩人均展現超強實力，非常動聽。談到歌曲創作意念，吉吉坦言想寫一首大家一聽到歌名就聯想到他的作品：「我就諗五官裡面單眼皮，係大家見到我就會容易聯想到。另外大眼睛雙眼皮角色，係比較直接，兩個極端性格喺埋一齊，其實係想講大家點樣互相配合。」吉吉還透露致電邀請宋宛穎（Sabrina）拍攝MV難忘經過：「一傾之下發覺好多嘢講，性格好切合大眼睛角色。」至於Aska就表示歌曲是想探討情侶情到濃時的心情，還帶同MV女主角蘇菲現身節目，大談拍攝MV難忘事。

　今集另一精彩內容，《聲秀》亞軍柯雨霏（Ophelia)與女團Honey Punch遠赴首爾，跟隨K-Pop女團神級編舞師Redlic學跳舞。Redlic來頭不小，既是女團aespa御用舞蹈總監，亦是SWF2Mannequeen成員，曾打造爆紅《Spicy》、《Drama》神級舞步，更是SM家族實力派女藝人編舞總監。Honey Punch跳舞時，動作流暢自如，Body Wave動作盡顯柔軟度與節奏感，舉手投足充滿自信，團隊魅力升級不少，畫面非常賞心悅目。Redlic老師還給予Honey Punch高度評價：「我真的很感動，因為你們工作非常出色，非常努力。」

　另外，Honey Punch與Ophelia亦趁機玩轉韓國，大歎韓式美食、影韓式貼紙相，玩得不亦樂乎，隔住Mon都感受到她們的興奮情緒呀！

　至於今集《勁歌金榜》邀來兩大「實力唱將」葉麗儀（Frances）、陳潔靈（Miss Chan Chan）及著名音樂人Johnny Yim（嚴勵行），接受主持許文軒（Edmond）訪問，為即將在下月於東九文化中心舉行的《Timeless Classics盛世經典演唱會2026》宣傳。談到演唱會如何促成時，MissChan Chan直言Johnny Yim是靈魂人物：「因為睇咗Johnny監製嘅《一束光—高錕的記憶》（音樂劇），我一睇嘅時候『嘩，咁靚聲嘅』，畀佢迷倒。」Johnny Yim分享指東九文化中心場地喇叭數目好多，密度非常高，所以做出來的效果會特別「沉浸」，令觀眾更享受到好聲音。

　Frances亦談到當初答應參與演唱會原因，出於相信好朋友Miss Chan Chan的推薦：「因為佢去過場地，我已經信晒。對我來講喺一個好靚環境唱歌係一個極盡享受。」Frances又透露與Johnny Yim初次相見已很投契，令合作更順暢。◇