以蒙面身份，動物造型參與「中年好聲音4」的「企鵝人」周志康、「獅子王」羅天宇、「貓女郎」劉佩玥、「白羊君」姚兵、「白眉鷹王」莫家淦、「樹熊公子」黃建東早前宣佈將於9月30日晚上8時正，在麥花臣場館舉辦《保濟丸呈獻：愛爆動物音樂秀》，票價分別為$1380 (VIP，福利包括可觀看彩排、和6位歌手合照)、$980、$680，優先訂票經已全部售罄，為免向隅，敬請密切留意8月28日在Cityline的公開發售。

　6位蒙面歌手在「中聲4」的表現均令大家眼前一亮，為樂迷帶來驚喜，獲得不少粉絲追捧支持，他們今次有機會站在另一個更大的舞台上再度發揮自我，為大家獻上最精彩的演出，讓大家更加認識他們對音樂的堅持和努力。周志康表示非常開心《愛爆動物音樂秀》的出現，「因為經歷了整整差唔多一年的比賽，途中有唔少fans問幾時會開show，終於可以來個日期他們。見到我地今次音樂會動物歌手的陣容，亦都令我諗返起當初大家參加呢個比賽的第一日，大家戰戰兢兢好來心機去練歌，各自為自己的舞台努力。今次大家可以再為屬於大家的音樂會共同努力，有另一種意義，加上其他5位都係自己的好朋友，所以好期待今次音樂會。我希望唱多Ｄ好歌來大家聽，回饋返呢段時間一直支持我的歌迷。」羅天宇好開心有一個屬於他們動物歌手的機會，「其實係參加比賽的過程中，我地基本上係冇以一個組合形式去代表動物歌手唱歌，所以真係好期待可以一齊大合唱。另外如果唔係公司來咗我地參加《中聲4》的機會，我相信自己都冇機會可以成為呢個音樂會的其中一份子，再加上自己在24強止步，一直都希望可以有更多機會再去唱歌來大家聽，所以自己好珍惜來緊係音樂會所參與的每一部份。」

　劉佩玥感謝大家一直以來對她的支持和鼓勵，「好感恩由大家被我參演的劇集角色中認識我，到今次可以在《中聲4》的舞台上再發現我唔同的一面。雖然比賽已經結束，但因為我好熱愛音樂，好鍾意唱歌，所以一直都繼續好努力咁去練歌同練琴，亦有學習音樂創作，當然唔少得一直要keep住身心的健康狀態、做運動無得臨急抱佛腳，要好自律同持之以恆，所以而家都keep住鍛鍊自己，唔單止為在上台表演著衫好睇，而係將好的狀態一直keep住，咁就做咩都會更得心應手。」姚兵興奮說：「可以開音樂會係對我今次參加《中聲4》的一個肯定，我覺得呢個音樂會好特別，用動物園的概念同身份來參加，我記得上一次在我身上有Ｄ熱度出現就係《星夢傳奇》，但都已經係十幾年前的事，當時完了比賽之後都冇特別舉辦音樂會，所以今次有呢個機會真係好開心，好期待同大家在舞台上見面。」◇