香港數碼音樂平台MOOV邁入二十周年，宣佈自二０二六年六月起於ELEMENTS圓方舉行多場《MOOV20 Music Station》現場音樂企劃，第三場邀請歌手范卓賢(Jacky Fan)擔任嘉賓，更會即場獻唱《明日劇痛會暫停》《淚光萬歲》《三尖⼋角》《戀愛圓舞曲》，炒熱現場氣氛，為MOOV20周年熱烈慶祝。

　每次《MOOV20 Music Station》吸引數百樂迷圍觀，期待歌手到場分享音樂世界。上集嘉賓一百九十三向范卓賢(Jacky Fan)提問「ERROR成員中，誰人最『三尖八角』」，所以節目開始時，范卓賢需解答「師兄」難題：「我嗰陣時睇緊電腦，冇啦啦有人Tag我先知有呢個難題！我諗咗一陣已經有答案啦，ERROR當中一百九十三最三尖八角，因為佢髮型都係尖同有角，係靚嘅三尖八角，所以唔擔心佢嬲！」

　活動中，范卓賢為樂迷獻唱《明日劇痛會暫停》《淚光萬歲》《三尖⼋角》《戀愛圓舞曲》，瞬間令現場氣氛高漲！范卓賢亦把握機會，向下集嘉賓TELLER提出「難題」：「我哋都成日出雙入對，我識佢咁耐發現佢口頭禪就係「nice」，其實佢除咗呢句Nice之外，仲有咩口頭禪？」呢日活動因颱風延遲舉行，Jacky亦擔心Fans安全：「今日我化完妝時好大雨，好擔心fans會淋濕，因為我自己本身係『潺仔』，好易就傷風感冒，上次淋完雨之後就已經病，所以明白fans今日來支持都要面對重重難關。」

　節目中，范卓賢表示二十年前只有六歲，已經聽廣東歌支持樂壇：「第一個接觸嘅廣東歌歌手就係張敬軒，當時父母比咗部MP3機比我聽歌，當年部機就好似一枝塗改液咁細！」范卓賢仲自爆由細到大都好有表演慾，父母沒強逼他在親戚朋友前唱歌，他都自動自覺唱歌表演。

　大會宣佈歌手TELLER將於八月九日現身ELEMENTS圓方《MOOV20 Music Station》舞台，分享他的音樂故事。◇