由金像導演爾冬陞監製，香港新銳導演王德健自編自導，馮德倫、袁澧林、胡杏兒及周秀娜領銜主演的電影《第四幕》再傳喜訊！《第四幕》獲邀參展「第25屆紐約亞洲電影節」（New York Asian Film Festival），將香港電影帶到紐約及海外觀眾面前。導演王德健與戲中擔綱演出的女主角袁澧林（Angela）一同親赴紐約出席影展，Angela更憑藉出色表現獲大會頒「亞洲新星獎」（Screen International Rising Star Award），雙喜臨門！

　電影《第四幕》首次登陸紐約即獲得當地影迷熱烈迴響。編劇暨導演王德健對於作品能遠赴紐約大感振奮，他感性表示：「無法想像電影可以去到紐約，同Angela一起出席紐約亞洲電影節，對我哋團隊係一個特大鼓勵！紐約觀眾嘅反應比我想像中更大，尤其電影節有好特別嘅處理，觀眾係手寫Q&A。我最終保留咗呢啲問題字卡，想細細品味。」談及女主角袁澧林榮獲「亞洲新星獎」，導演王德健亦對Angela的表現給予高度肯定與讚賞：「亦多謝紐約亞洲電影節頒獎給Angela，佢喺《第四幕》出色的表演，相信大家將會有目共睹，好期待！」在紐約亞洲電影節頒獎現場，Angela接過「亞洲新星獎」獎座後發表了動人致辭。她首先感謝電影節給予的肯定，並形容這是提醒自己莫忘初心的重要時刻：「多謝紐約亞洲電影節頒呢個咁特別嘅榮譽畀我。我相信呢個係一個好好嘅提醒，叫我繼續做我真正熱愛嘅事。」

　談到手上的「亞洲新星獎」獎座，Angela更大爆笑彈，笑指獎座實在「份量十足」：「首先個獎好重啦，重到我個speech其實幾分鐘，一路講已經覺得我啲肌肉快支撐唔到，心諗：『咦，我唔係大隻妹來嘅咩？』個獎物理意義上真係好重，有成五、六公斤！我仲擔心緊之後上機行李會超重overcharge，但無論如何都會帶返來！所以話磨練演技係一回事，如果未來要攞多啲獎呢，應該要做多啲gym先可以迎接更加多嘅獎項。」◇