​歌手兼演員關楚耀（Kelvin）近年熱衷於新興運動Pickleball（匹克球），不僅投資開設場館做老闆，更考獲教練牌親自教波。早前，他與拍檔Hugo齊齊到外地出戰國際大型賽事PPATour　Asia二０二六的男子雙人賽。兩人憑著默契與拼勁一路過關斬將，最終勇奪銀牌！得知賽果的一刻，Kelvin興奮得在全場狂奔狂叫，場面非常激昂。

　​談到今次參賽的契機，Kelvin直言這是一次對自己的全新挑戰：「自己真係好into呢項運動，甚至搞埋生意。講真，對上一次真正代表學校去籌備同參加比賽，已經要數到小學同中學時期。今次參賽令我搵返以前同隊友一齊備戰嘅熱血心情！」

　​其實早在兩三個月前一看到賽事開放報名，Kelvin便馬上與拍檔Hugo商量，實行「寓工作於娛樂」，當作一齊去旅行兼打波。雖然帶著放鬆的心情出發，但團隊對待賽事絕不馬虎，Kelvin透露：「呢幾個月我哋加強咗好多體能訓練，亦搵咗好多打得好好嘅朋友一齊練波、教咗我哋好多嘢，仲好感謝自己Pickleball公司嘅全力支持。」

　​第一次參加海外賽事便成功奪銀，Kelvin直言非常幸運，而其中一個最大的動力，莫過於太太愛相隨的支持。他甜蜜地表示：「最緊要太太都喺身邊支持，佢真係我嘅『幸運女神』！由練波開始一路都好支持我，到正式參賽，佢全程好有心咁幫我拍好多片、影好多相。得到好成績，真係非常非常之開心！」

　​作為Pickleball專家兼場館老闆，Kelvin亦趁機向大眾大力推薦這項運動。他指出Pickleball男女老幼都非常適合，而且有益身心：「最緊要係令大家都開心！打波嘅時候，你會忘記晒所有煩惱，專注喺當下同朋友嘅交流。呢個係一個非常有效、令你放低電話嘅方法，可以令腦部休息，令身體各器官嘅精神再次甦醒！」

　​完結今次的凱旋之旅後，Kelvin未有停下腳步，隨即投入無綫新劇《模範律師團》拍攝工作，近日更是香港、內地兩邊走。雖然行程緊密，但Kelvin透露其實一直以來手都有傷患，他會趁著拍劇的空檔期間積極進行物理治療，專注在身體復元方面，務求以最佳狀態繼續應付幕前工作與球場上的挑戰。◇