由森美、Eric Kwok（郭偉亮）帶領PlanV成員李茵彤Desta主持、Eric Kwok擔任音樂總監的互動音樂Game Show《AlipayHK呈獻：唱錢》（英文名：Music Money Monster），逢周六晚八點半翡翠台播映。除了三位常規主持，陸浩明聯同PlanV其餘四位成員：江廷慧、彭家賢、陳昊廷及侯雋熙主持直播間！

　4日播出一集繼續是素人版，上集登場的李然（Leanne）除了是《中國好聲音》第四季那英戰隊6強外，更因與無綫女星林秀怡撞樣，在網上引來極大迴響，大批網民紛紛希望李然與林秀怡能「姊妹相認」，一齊上節目唱歌。

　今集李然愈戰愈勇挑戰經典兒歌《IQ博士》，她賽前盡顯智慧，自爆早已想出應對策略：「我就係見過你哋好多集都係兒歌衰咗，所以我要扮小朋友咁樣，即係好似佢哋嘅唱法咁，總之啱音準、拍子就得。」唱畢後獲Eric Kwok搞笑評價：「你呢個腔最好聽！」Eric指過往幫李然監製歌曲時，完全是另一個極端：「完全唔係咁樣，你好有氣聲、好sexy、好有型嘅！」除了《IQ博士》，李然挑戰另一首高難度歌曲《蜚蜚》同樣表現出色，展現驚人爆發力，獲EricKwok認證：「大家依家聽得到Leanne真正唱腔」。雖然李然勢如破竹，但由於剛病癒狀態不佳，Eric Kwok竟向其直接發出「死亡預告」；不過李然邊有咁易氣餒，更因而被啟發出奇招直衝Monster，想知係乜就要留意節目。

　今集另一位素人挑戰者劉愷蕎同樣背景驚人，除了是教長笛、彈琴兼唱歌的全能音樂教師外，更天賦異稟，她自爆讀中二時被音樂老師發現擁有Perfect Pitch（絕對音準）！實力深不見底的她賽前更拋出超班金句：「即使有perfectpitch都好，心態都好緊要，淡定勝過一切。」不過這位「音樂高人」未比賽先興奮，甫出場被森美踢爆上節目其實是為了見偶像EricKwok：「頭先見你喺後台舉晒手（扮鐵甲奇俠）咁樣喎！」

　而EricKwok則即場考驗劉愷蕎的Perfect Pitch：「有個問題成日想問perfectpitch啲人，你聽到個C啦，對於你嚟講咩位先係走音呢？個C低少少都仲係C㗎嘛。」到底劉愷蕎會點答？劉愷蕎又自爆小時候在合唱團因聽到同學走音，之後竟向老師「報寸」，笑翻全場！結果這位「音準專家」劉愷蕎，挑戰Level1《

　一人有一個夢想》時，獲得綜合成績97.5%的驕人佳績，Eric Kwok大讚：「但佢都冇偏離喎，啱pitch喎，勁喎！」究竟擁有「絕對音準」的劉愷蕎之後能否做到「淡定勝過一切」？成功挑戰Monster？密切留意本周六晚播出的《唱錢》！◇