由王心慰(Amy姐)監製、翁善瑩編審的「人性反思」另類寫實劇集《森下仁丹BifinaSi益生菌呈獻:非份之罪》,逢星期一至五晚八點半翡翠台播映。主要演員有吳啟華、陳煒、阮浩棕、劉佩玥、朱敏瀚、吳偉豪、賴慰玲、何沛珈、徐榮及單立文等。

　雖然戴祖儀飾演的康嘉嵐疑似在首集死去,不過隨著劇情發展,又似乎並非如此簡單...6月30日劇情講述嘉儀(游嘉欣飾)接到嘉嵐報平安message欣喜若狂,但父親康力(吳啟華飾)及母親白美雅(貝安琪飾)卻反應異常,康力更宣佈決定放生嘉嵐...正當康氏一家以為嘉嵐安好,康力卻從查案警員口中得知「無臉女屍」特徵與嘉嵐90%脗合,嘉嵐生死再度成謎...另邊廂,深信家姐尚在人間的嘉儀,前往找嘉嵐秘密男友阿Ken(曾展望飾)詢問家姐下落,豈料卻遭Ken禁錮,渣到盡頭的Ken除乘機向康力勒索三百萬鉅款,更意圖毁嘉儀清白...

　之前憑《女神配對計劃》人氣急升的曾展望(GM),在劇中將巔覆官仔骨骨形象,飾演爛蒲爛玩貪錢Band友,更色心大起向游游施暴!昨晚GM激罕在螢光幕前展現奸險、無賴、衰格及好心一面,並連環粗暴地對待游游;但值得留意的是,GM制服游游期間盡顯敏捷好身手,尤其一手將游游360度反轉動作,望落絕對孔武有力。對於GM演好色渣男,不少網民大讚好戲及演得出色,演技備受肯定。

　談到新劇角色,GM受訪時透露當初接到監製WhatsApp邀請演出時,覺得角色「幾有挑戰性」,他又透露相關強暴場口背後拍攝大有難度:「我第一次拍咁多動作戲,仲要唔係只係打兩下,我哋喺個Band房度拍,有好多道具,我同游游打完交之後,我就要攞啲結他線綁住佢、之後再單手撳低佢再的佢去梳化,呢一連串動作可以話係演藝成就解鎖,當然好多謝當時嘅武指,佢喺好短時間內令我明白咗動作戲嘅真諦,就真係要畀啲力真做」、「因為初初驚整親游游會就住就住,但原來唔真做畀啲力落去,反而拍多咗Take仲易令對手受傷,所以拍之前,我都有同游游講話我哋真係畀力試一次喇。」

　除了GM,昨晚韋家雄的出場亦相當搶戲,在劇中飾演「為食沙展」孟保的他,雖然出場後一味掛住食,似對案件無心裝載,但卻能單憑無臉女屍死時的裝束,成功推斷到死者生前的出入場所,堪稱「為食神探」。其實韋家雄已非首次飾演識飲識食角色,之前他在《臥底嬌娃》中便飾演星級大廚,經常在鏡頭前大晒廚藝;而現實生活中,韋家雄亦是愛下廚暖男,會半夜三更親手炮製煲仔飯慰妻,絕對是百分百「為食好男人」!◇