「Remember記得・鍾嘉欣演唱會」佛山站生日限定場日前在假嶺南明珠體育館舉行，雖然Linda鍾嘉欣並非首次在佛山開騷，但反應依然熱爆，全場座無虛席；作為生日限定場，除了特別設置延伸舞台與觀眾近距離互動外，更驚喜邀請了張栢芝與曾比特擔任嘉賓，Linda與栢芝合唱《任何天氣》掀起全晚高潮！

　鍾嘉欣透露今次作為2026年演唱會頭炮，揀選佛山舉行，源於她喜歡這地方：「上年第一次開演唱喺佛山，好好反應，所以今年都揀呢個地方作起點，今次呢個場館有7千人，第一次挑戰咁多觀眾，事前已好期待，加上佛山呢個地方好有人情味、生活節奏又舒服，仲有好多美食，雙皮奶真係好好食。」

　為了帶給佛山觀眾驚喜，鍾嘉欣在服裝上煥然一新，歌單亦新增六首新歌，還特別加插一節勁歌熱舞發放正能量；不過論到全晚最意想不到的，莫過於獲兩位重量級嘉賓張栢芝與曾比特登場，提到栢芝，鍾嘉欣表示入行初透過朋友認識對方，栢芝是她心中一位大姐姐，好有愛、好願意幫人，她說：「以前當我遇到難題時，我會請教佢，佢都會畀意見我，今時今日再見，呢個大姐姐嘅感覺，仲加咗一種好媽媽嘅親切，作為一個媽媽，佢係我學習對象。」鍾嘉欣與栢芝合唱兩首歌曲：《目的地》和《任何天氣》，Linda指：「《任何天氣》係我有私心，我希望栢芝可以唱呢首歌畀我聽，因為呢首歌內裡歌詞好有正能量。」至於鍾嘉欣就跟曾比特合唱黎明金曲《夏日傾情》，她還笑言跟曾比特合唱，有種找回初戀感覺。◇