蘇恩磁Cecilia So日前喺社交平台po出一張與呂有慧、盧宛茵、食屎陳師奶孫慧蓮、吳浣儀等，於一幅寫上「Happy Birthday」的Banner前嘅合照，並留言叫大家估下今次係邊個生日。相隔一日後，蘇恩磁以照片公佈答案：「謎底揭開：壽星是博學多材（才）的ChungSir」。

　原來佢哋一班好朋友，相約一起為四月三號生日嘅鍾仔鍾志光慶祝六十五歲生日，呢日出席嘅仲有楊瑞麟同已經移民加拿大多年嘅于洋。眾人除咗為鍾仔準備咗兩籠壽包外，仲有四個生日蛋糕，被大家簇擁於中間嘅鍾仔，則左右開弓，雙手都拎住刀扮切蛋糕。

　己移民加拿大多年嘅于洋，近年過住弄孫為樂嘅生活，偶爾遇到啱心水嘅劇本，先會接拍返香港。◇