【特訊】曼聯官方周二（7日）官方宣佈，與33歲中堅哈利馬古尼續新約，年期至2027年6月，並有1年續約選項；馬古尼由幾乎被放棄，到逆轉命運，完全是一部真人勵志故事。

　馬古尼合約原本到季尾結束，如果不續約就自由身離隊，今個1月他已經可以同海外球會接觸傾轉會，但他默默為球隊付出。

　馬古尼2019年以8，000萬鎊由李斯特城轉投曼聯，一度被寄以厚望，無奈近幾年曼聯經歷動盪，新領隊一個又一個，到坦哈格時期，馬古尼被褫奪隊長資格，並失去正選地位，在教頭魯賓艾摩廉離隊之前，他亦因傷患而甚少上陣。

　直至今年1月，馬古尼生涯出現轉機，艾摩廉被炒，看守領隊卡歷克上任，馬古尼亦傷癒強勢回歸，曼聯成績反彈，馬古尼全部正選上陣，在被放棄邊緣重獲會方信任，續約1+1。◇