4月1號除咗係愚人節外，亦是陳茵媺Aimee的45歲生日，一眾好友早早就為她準備好各類慶祝活動，包括劉倩婷為同為4月之星嘅Aimee同汪詩詩，以及3月底生日嘅汪圓圓一齊慶祝生日切蛋糕，之後又有曹敏寶、戚黛黛、朱凱婷等與Aimee食生日飯。除咗有無限多嘅生日蛋糕外，慶祝活動包括但不限於睇黎明演唱會、出海遊船河、足療Spa等，多姿多彩的生日活動。

　一眾老友嘅慶祝活動都已經咁豐富，身為老公嘅陳豪當然都有所表示啦，佢就同埋三個仔女一齊同Aimee食生日飯，期間仲派出細女Camilla為Aimee送上生日祝福，Camilla甜笑對住鏡頭話：「媽咪生日快樂，身體健康」講嘅時候仲做埋動作豎起拇指，相當可愛，難怪Aimee將呢條片post到社交平台時，都忍唔住留言話：「Mui Mui's birthday wish in Cantoneseis my fave.」◇