新城知訊台《沿途有我》主持歐陽德勛十八日邀請二０二五年歌唱比賽節目《聲秀》亞軍柯雨霏（Ophelia）現身直播並接受大挑戰Live演唱，她相當認真及專業，一早到場開聲練歌，做足準備功夫。

　在節目直播期間，柯雨霏即場Live獻唱全首《driverslicense》，亳不怯場，極具大將之風，而TVB同事則為她結他伴奏，氣氛即時炒熱，連主持歐陽德勛都忍唔住連環激讚。

　歐陽德勛爆料，原來早在海選時已「一眼睇中」柯雨霏，更笑指當年她「肥肥地」，同現在判若兩人。柯雨霏亦大方承認，直言為刻意減重六公斤：「因為我唔高，所以六公斤好明顯。」，成功由青澀參賽者蛻變成靚樣實力兼備的新晉女聲。

　講到歌唱之路，柯雨霏由細到大參加歌唱比賽場場冠軍，唯獨《聲秀》屈居亞軍，不過反而成為她正式入行的轉捩點。她過去主攻英文歌，更曾赴台灣攻讀大學三年修讀英文，更想過寫英文歌詞，音樂路向相當清晰。

　其後，因為參加《聲秀》而要唱廣東歌，她坦言一開始完全冇信心：「我對自己咬字真係冇乜信心。」更爆笑指比賽期間被「狂執咬字」，但正正因為咁，進步神速。首支派台歌《直覺型美學》亦成為她入行代表作，她直言錄音過程順利得出乎意料：「錄咗兩個session就搞掂，我自己都覺得好驚喜！」◇