現年40歲，畢業於演藝學院的賴慰玲(Winki)，2014年因《女人俱樂部》由劇場轉投電視圈，至今已12年。因演技出眾被喻為小鄭裕玲外，亦因從來零緋聞零是非被喻為花旦清泉。賴慰玲近期接受雷霆881商業一台《星光背後》專訪，談及最近贏得高收視及口碑的劇集《非常檢控觀》。節目中，Winki披露了在圈中與一眾上位花旦能建立深厚友誼的秘訣，亦分享了她於上位期間，無懼影響選擇早婚及生孩子的決心。她說：「呢個係我人生最大夢想，我18歲已經想結婚生仔！」

　不少人認為花旦間很少有真友誼，但賴慰玲從拍《女人俱樂部》開始，便與陳瀅等拍檔情同姊妹，之後再加入何雁詩、蔡思貝等組成閨密團「SÏXTERS」。她承認在娛樂圈女藝員間存在深厚友情是非常難得，並說：「或者因為我無太大殺傷力。我覺得係呢個領域，唔會感覺到我會同你競爭，我亦唔認為我係一個想去競爭嘅人，我亦從來唔會去計較，所以呢啲是非從來無發生係我身上。」

　Winki於2012年與劇場演員梁子峰交往，2017年7月，二人先公布懷有第一胎，同年8月再正式註冊結婚。談及31歲上位中早婚的決定，Winki說：「呢個係我人生最大夢想，我18歲已經想結婚生仔！所以，當時我同老公商量後就決定試吓，無諗過一次就成功，我哋都好開心。」賴慰玲更指二人本來只想生仔，無打算結婚，「我哋諗住唔結婚好型，你唔覺咩？如果唔係老豆要我哋點都簽張紙，都唔會係酒店低調註冊。」

　談及老公梁子峰的相識經過，「演藝畢業後，我哋係劇場活動識，但我哋未真正一齊工作過，當然佢主動追求先，佢請我飲第一杯咖啡。之後有一次藝術節，佢問我想唔想去聽中東音樂會，就覺得佢好有品味，於是就開始發展。但好好笑，之後我再無見過佢聽中東音樂。」Winki承認拍電視劇容易成名，但夫妻二人從未比較事業上的成就，「大家界別唔同，根本無必要比較，同埋佢亦有好大成就嘅地方。我真係好感謝老公支持，有時候我真係撐唔落去，就會睇到佢咁盡責，我覺得自己好幸運，我哋會互相照應維繫呢個家庭。」◇