Edwin Siu蕭正楠與黃翠如Priscilla Wong兒子「蕭哈哈」長得帥氣可愛，就嚟一歲開始牙牙學語，見翠如喺年初三上載一條影片分享一家三口喺農曆新年開心點滴，當晚跟洪永城Tony的地球、Inez Leong梁諾妍、C君及黃天頤去#農夫陸永屋企食盆菜歡聚，仲一齊陪陸永細女陸一心（Simsim）打排球，玩得盡興。

　翠如喺社交平台貼出身穿紅噹噹嘅喜慶新衫，同兒子「哈哈」玩，阿蕭向半躺嘅「哈哈」派利是笑稱：「愛媽媽，同爸爸係最好嘅朋友。」翠如就話：「畀兩封利是你，可以即刻躺平。」兩公婆照顧「哈哈」更係一臉慈愛，翠如留言向大家送上祝福：「來到初三先同大家拜年，祝幸福快樂健康，平安，慢高長大。」

　當晚阿蕭同翠如去陸永屋企食盆菜，Inez同C君老婆黃天頤陪Simsim練排球，其後連阿蕭同洪永城都加入，陸永老婆Reina亦有上載影片，Inez笑指「成班長輩打走晒啲波」，而阿蕭同C君亦陪陸永大女陸一穎（Hannah）玩樂器，好愛錫陸永一對寶貝女！◇