參選2007年港姐成為最後五強，入行後因多次演繹瘋癲角色；曾被稱為TVB御用癲婆嘅趙希洛於社交平台宣佈將嫁作人婦，貼出多張於巴黎艾菲爾鐵塔作背景，以及小皇宮(PetitPalais)金碧輝煌大門前拍攝嘅婚照，景靚人更靚，早年更受訪時就曾透露圈外男友有求婚計劃。

　Candice指趁住新年來臨之際，自己亦將展開人生全新章節。不過佢就對新郎哥身份保密十足，幾張圖片中只見到新郎一雙手咁多啫。佢回覆傳媒祝賀時指，去年底已於巴黎完成人生大事。

　Candice媽媽係70年代靚女花旦梁小玲，據指父親身勢顯赫富裕，早年父母更極反對Candice加入娛樂圈。

　參選港姐入行後嘅Candice參演過多部處境劇，好似《天天天晴》、多輯嘅《愛．回家》等，而於《八卦神探》、《拆局專家》同《實習天使》《十八年後的終極告白2.0》等劇扮演反派角色，加上於《金宵大廈》扮演憶子成狂嘅何太，入木三分嘅真摯演出令Candice勇奪最佳女配角，直至2023年演畢《隱形戰隊》後就決定離開TVB，近年展開個人網上頻道。◇