23日《萬千星輝頒獎典禮2025》「最佳男主持」林盛斌（Bob）與「最佳女主持」車婉婉齊於尖沙咀日本餐廳包下廂房，慰勞《中年好聲音》、《女神配對計劃》及《攻你上大學》全體幕後，相當有心。據知二人於等候頒獎禮結果期間，因互相睇好對方，故約定若齊齊攞獎一定要夾份宴請《中年》、《女神》及《攻你》所有幕後予以慰勞，結果二人言出必行「找數」!

　阿Bob於頒獎禮當日榮獲最佳男主持時，因過度興奮「Bob爆獎」引來全城熱話!兩位主持收到大會補發刻有二人名字、得獎項目及「58」等字樣的真‧獎座，當阿Bob看到完整無損的獎座時，不但笑得像個小孩、而且滿面期待!阿Bob接過獎項後，即愛不釋手地摸勻獎座上下，又拿著獎座與婉婉開心「碰盃」，期間還不忘自嘲:「要細細力吖」，之後又問大會工作人員:「之前啲碎片呢？」相當搞笑。

　對於阿Bob重奪完整無損真‧獎座，tvb.com亦有報道這件開心事，網民見狀即紛紛留言送祝福:「下次再攞唔好咁激動」、「唔好再攞嚟拍枱呀」、「婉婉姐，實致名歸，成熟穩重，又帶有幽默感，欣賞你，加油!」、「兩位都好勁」。◇