2025年即將完結，而李龍基同王青霞兩對話題伴侶，今年亦同樣破裂收場。

　而一直深情又聲稱非卿不娶嘅李龍基，年中時迎接比佢年青36歲；因逾期居留、使用虛假文書以及非法工作嘅王青霞出獄返回內地，不過自始基哥身邊就未再見到之前聲稱高歷強大又畫功了得嘅Chris，至12月底，有YouTube頻道一舉揭開王青霞早年已於佛山成婚，更育有16歲兒子嘅消息，當時基哥仍對外回應，叫大家唔好輕信網上傳聞。

　頻道其後再追蹤公開多張王青霞於父親工廠嘅相片，又有佢同姓陳老公嘅結婚證據，又直擊一家人冬至團圓晚飯，至於曾被網民戲稱為「提款基」嘅基哥，接受傳媒訪問時，亦直接承認情已逝。

　基哥接受專訪，提到原來自己先係第三者時一度落淚，過往力撐對方嘅霸氣不再，佢曾提到與前妻離婚導火線就係與王青霞相戀，後來高調曬恩愛到東窗事發後，基哥仍繼續力挺對方痴心一片。

　不過呢次訪問中，基哥提及自王青霞出獄時，仍未知對方已婚多年，自己仍有同Chris結婚打算，不過同時指雙方逐漸行漸遠，直至冬至後正式分手。◇