同前夫劉坤銘育有三子嘅凍齡美魔女羅霖CandyLo專頁，佢嘅大仔劉子榕（Nathan），2021年喺香港理工大學畢業後，再攻讀港大心理學碩士，喺今年12月2日終於畢業啦，為囝囝感到驕傲嘅羅霖，更喺社交平台出po分享喜悅，佢勉勵囝囝要繼續努力，仲話呢個只係一個開始，叫對方要追隨自己嘅熱情，並表示媽咪會永遠喺佢身邊，字裡行間都充滿愛。

　除咗大仔學有所成之外，羅霖嘅二仔劉子熙（Jordan）亦成就非凡，喺美國完成碩士學位後，而家係一位心理醫生，2020年更成家立室並定居美國，至於19歲嘅孻仔劉子晉（Jonathan），而家正喺浸會大學讀書，三子都咁乖巧生性，羅霖呢個單親媽媽可以話係苦盡甘來。◇