由香港亞洲電影節及百老匯電影中心聯合呈獻，「香港亞洲電影節HKAFF2025」10月6日於PREMIEREELEMENTS舉行《像我這樣的愛情》隆重首映，邀得廖子妤、陳家樂及導演譚惠貞出席。

　由關錦鵬與管東銚監製、譚惠貞執導兼編劇之新片《像我這樣的愛情》由金像獎最佳女配角得主廖子妤與陳家樂主演，講述年輕女性「阿妹」在愛情與生活壓力下，尋找自我價值的故事。在映後分享的部份，導演譚惠貞與觀眾見面時分享創作初衷：「起初我冇諗住拍部社會題材的電影，我一路來落筆的時候我都係以愛情片去做，我係想寫一個女性自主或者係佢想追求愛情的自由。」她亦公開花上兩三年時間都找不上適合的演員接拍，特別感激廖子妤接下阿妹一角讓電影得以開拍。

　至於女主角廖子妤透露，她於接拍電影之前早已留意到身障者的故事，Fish坦言：「關於身障者的故事，我之前一直儲存在電腦度，我諗可唔可以寫一個咁樣的故事呢？直到譚惠貞導演搵我的時候，我覺得我一定要捉住呢一個機會，因為我覺得拍攝呢個題材非常之難得，呢一世人都未必會再有第二次飾演呢一個角色的機會。」被觀眾問到如何拿捏角色，Fish透露：「我會留意住佢哋的節奏，或者同他們傾偈了解佢哋的難處或者咁多年來自障礙或者佢哋辛苦的地方，尤其是呼吸節奏呢樣嘢我係非常之留，因為我覺得最難掌握的係個聲音的控制。」

　至於陳家樂則剖白自己是主動爭取角色：「我睇完劇本之後好有興趣，我覺得戲中男女的關係寫得好特別，即係一個城市入面兩個好極端的例子，好似阿健四肢健全，但係佢內心有好多缺陷，而阿妹有身體障礙，但係內心係好堅強好樂觀，所以我覺得好吸引。」可惜到有機會試鏡時，家樂卻遇上身體的狀況，令他失去信心，家樂分享：「試鏡的時係我最冇信心，狀態最差最失落的時間，我身體出現的一個問題，令我好唔知道自己前路係點，因為我隻眼出現問題，有好多血度我個腦神經同我眼神經之間個位，成隻眼滲咗好多血出來，跟住三個月都退唔走晒嗰的血，而醫生就唔建議做手術因為始終係嗰個位係有危險，咁就只可以食藥，令到我失眠睡唔到覺心跳加速，而我在其他的工作上亦都因為咁樣而失敗，但係當時同監製關錦鵬見面，佢俾咗個好好的動力我繼續去做戲，佢同我講佢話演員有好多個面向，你唔需要因為你一直俾大家睇到你個正面冇咗而失落，演員係應該要擁抱自己的陰暗面，叫我最後叫我記住呢一刻呢個狀態呢個傷感，將來一定會有用。」家樂分享這部份的心路歷程更一度哽咽，場面感動。◇