法國通楊尚友（Christian）主持全新飲食資訊節目《東方表行 Take Your Time 呈獻︰老友記》，逢周四晚九點三十五分及周五晚九點半TVB Plus（82台）播映。今次Christian摒棄紅酒與香檳，拒絕大型連鎖店千篇一律的香味。走入香港大街小巷，尋覓終將逝去黎民美食，細味人間餘溫。他為心水推介訂定4大規條，包括︰開店至少20年歷史或以上、自家獨立運作，拒絕大型連鎖店、家族經營炮製出色美食、提供香港人每星期都會食到的家常菜，缺一不可。

　6日首播楊尚友（Christian）來到沙田，品嚐當地三寶︰雞粥、燒乳鴿及豉油王炒麵。Christian直言好多地方都可以食到燒乳鴿，但沙田燒乳鴿之所以出名，皆因做到皮脆肉嫩，他說︰「燒乳鴿是挑戰廚師的極限，好多時食到皮脆唔難，要兼顧埋juicy，就好難。」Christian今次幫襯的餐廳，在沙田經營逾40年，出品的燒乳鴿每方面都平衡得很好。他形容鹵水味好柔順，將肉味完全釋放，但就沒有飛禽的騷味之餘，依然保持乳鴿的獨特個性。餐廳主理人強哥現身拆解箇中秘密，他說︰「一般嚟講鹵水烚咗、上皮、乾咗就可以炸。我哋會做多好多層功夫，會上兩次皮，令到層皮變成玻璃皮，咬落去好似食薯片咁。」另一秘密是兩爐齊發，先用慢火爐將乳鴿炸至半熟，再轉猛火爐製造脆皮效果。講到另一寶的「沙田雞粥」之所以馳名，強哥開始爆料說︰「點解沙田雞粥出名，我真係有資格講。70年代嗰時好多情侶鍾意揸車上飛鵝山拍拖，我哋老細好識宣傳，將個（宣傳）牌擺上去，大大隻字寫住『沙田雞弼』周圍咁擺，啲人拍完拖，就好自然嚟沙田食雞粥，以後啲人講起沙田，就諗起雞粥。」

　強哥自1983年已在餐廳任廚師，一直做到廚房大佬。2003年接手當老闆，卻不幸遭遇沙士疫情，當時情景強哥仍歷歷在目，他說︰「無辦法，搵埋啲女、老婆返嚟幫手，一個人做5、6份嘢囉，朝早10點做到凌晨1、2點，日日如是。」但有一件事強哥堅持至今，就是食材要新鮮，所以每日都推着手推車親身到大圍街市買貨。◇