逢星期日晚8點無綫翡翠台播映的歌唱選秀節目《AlipayHK 呈獻:聲秀》，以年輕參賽者及廣東歌作主打，隨著比賽進入白熱化階段，網絡上的討論也越來越多。除了學員們的表現、導師與學員們的師徒互動，以及每集的比賽主題均引發熱討。

　上集「歌手助力戰」6位學員中胡子貝Matt直接進級，今集除了出場的助力歌手陣容強勁，更誕生兩組超高分「9字頭」組合，更有組員獲得評審陳奐仁給出20分滿分!這位獲得陳奐仁給予滿分的組員，是譚耀文組的「靚聲王」蕭凱恩Michelle，她聯同糖妹演繹《我的驕傲》，無伴奏的開場伴以超清澈的歌聲，聽到評審陳奐仁（Hanjin）拍晒手，更向譚耀文畀心心手勢，Hanjin:「原因好簡單，因為喺節目入面我第一次聽到一個完全完整嘅演出，冇伴奏開始好震撼，和音編排好合理，亦都唱得好乾潔，成件事就係音準好、節奏清楚、意境明顯、演出完整。」雷有輝（Patrick Lui）:「成隻歌所有編排都係100分。」舒文:「暫時睇咗咁多performance，呢一個起承轉合係最好,Vocal arrangements好好,做到Rock musical嘅感覺。」

　今集另一搶焦位,是蘇永康組大熱選手甄敏芳Jenny聯同吳業坤(坤哥)獻唱《原來只因深愛著》;Jenny一身露背長裙亮相,女神氣場滿分!Jenny 甜美聲音配合坤哥溫暖而具感染力的聲音,相當有火花,連有份監製歌曲的評審舒文及周錫漢(Randy)亦異口同聲大讚,舒文:「我覺得坤哥同 Jenny都進步咗,最少聽到佢哋嘗試去交流,好似打網球咁,Jenny比上次大膽咗、有feel咗。」Randy讚Jenny 有非常明顯進步:「唱歌有進步,非常明顯,我想畀其他學員知道嘅就係,你take risk你就有reward囉,呢個係一個幾有勇氣嘅Move。」Hanjin:「Jenny今日做咗一樣我好鍾意歌手做嘅嘢,就係好積極喺自己能力邊緣嘅設計,上台跟足自己設計盡量做到最好。」

　搞笑的是,主持陳懿德訪問二人時取笑坤哥謂:「你明明係Hubert路過導師嚟㗎喎」,之前坤哥曾義氣教穎喬ziva、周智敏Emily唱歌,坤哥聞言即自嘲小氣謂:「上次都係有緣經過㗎啫,但我見到佢哋都冇多謝我,我就離開咗,我好小器㗎!」雖然坤哥「話明小器」,但Hubert仍處變不驚謂:「咁咪造就你今次咯(同靚女合唱),用心良苦呀,我特登咁鋪排㗎!」陳懿德聞言再補刀:「你想同Jenny唱,見人哋靚女。」二人夾攻下搞到坤哥大嗌救命:「我好危險呀,而家。」而坤哥演唱完後,又與Jenny來個「隔空擁抱」,表現更相當「怕醜」,認真搞笑。

　今集演唱歌單如下:(排名不分先後):馮熙燮Ryan、王灝兒JW《逃生門》;蕭凱恩Michelle、糖妹《我的驕傲》;張津銘、莊錠欣Elkie《我的回憶不是我的》;甄敏芳 Jenny、吳業坤《原來只因深愛著》;林潔心 Bibi、小肥《我們甚麼都不是》;司徒泆 Haru、Xix《火熱動感La La La》。

　  今集五位評審(排名不分先後)繼續是:舒文、陳奐仁(Hanjin)、郭偉亮(Eric Kwok)、雷有輝(Patrick Lui)及周錫漢(Randy)會進行評分。今個回合最低分的5位學員將落入危險區,至於最終邊3位學員被淘汰,除了由5位主評判決定外,將有10位由製作組特別邀請的KOL組成的評審團來進行投票。主評審每人有兩票,而KOL則每人有一票,投選最值得可以留低的學員。而票數最低的3位學員將會離開《聲秀》舞台。◇