【專訪】今日是中國傳統重要節日「中秋節」，有市民堅持傳統準備月餅、花燈，應節水果等同家人賞月聚會，亦有市民坦言，生活迫人，中秋節如常返工。而今年中秋月餅等相關應節食品，銷情「麻麻」，相信同經濟差和飲食習慣改變有關。

　中秋節是傳統重要節日之一，近日雖然受颱風影響，但仍有市民堅持傳統。有市民表示，每年中秋節前一個星期左右，都會到老字號餅舖買傳統手工月餅，買芋仔、菱角、柚子、柿子、燈籠等，為中秋節做好準備，認為中秋是重要大節，與家人一齊食餐飯，再食月餅等應節食品，傾下偈，賞下月，所以近日四出忙於選購中秋節食品都沒有問題，最重要家人團團圓圓，健康平安。

　亦有市民稱，每年都會到傳統餅店買月餅，主要是可以單個買，食幾多買幾多，款式任選，不用一定買一盒四個，食不完浪費食物浪費金錢。

　不過，亦有市民稱，月餅糖份油份都超標，所以好少食，亦不會買。

　還有市民坦言，中秋節如常返工，生活迫人，已沒有節日感覺，最重要是活好當下，希望經濟好轉，澳門人「人人有工開」。社會多點正能量。

　中秋節市況方面，超市、麵包店，傳統餅店等都有月餅出售，有超市員工稱，今年月餅銷情麻麻，可能大家飲食習慣改變，注重健康，認為月餅屬高熱量食品，所以少了人用月餅送禮。傳統老餅店方面，銷情同往年差不多，主要是街坊熟客為主。有市民稱，近年中秋節已沒有送月餅給親友或朋友，因為大家都好坦白，少食或不食月餅。

　中秋水果方面，有水果檔老闆稱，今年明顯少了人送果籃，可能經濟差，公司訂單好少，如選購果籃，水果種類都是比較大眾化，外國貴價水果銷路一般，所以今年都不敢入貨。

　昨日是星期日，中秋節前夕，有家長帶同小朋友到文具舖選購中秋節燈籠，認為燈籠價錢有平有貴，但一年一次都會鬆手一些，讓小朋友自由選擇決定。◇