陳山聰、梁競徽（唯唯）與林盛斌（Bob）首次投資與製作之馬來西亞賀歲電影《媽媽又要嫁》拍攝了十八日後終於殺青，由於拍攝期間大家都百分百投入，又一齊度對白，以致感情大增，日前舉行煞科宴時大家都感到依依不捨。

　一向貪靚之山聰在戲中一副不修邊幅的造型，一頭金髮、有鬚根又污糟邋遢，原來是山聰的主意，因為過去演得太多靚仔有型角色，希望能帶給觀眾新鮮感，對於拍戲期間他被偷拍放飯時的照片，在網上被誤以為他兼職做地盤工人，山聰一點也不介意，反而覺得好開心，證明他的造型想當成功。

　戲中經常身穿背心與工人褲之山聰明顯增磅不少，他解釋每日收工電話就響過不停，因為大馬的朋友好熱情，不停約他食飯，帶他食盡吉隆坡美食，故此在大馬都努力跑步，但期間卻一度中暑，感覺頭暈眼花，好彩休息過後未有影響晚上拍攝一場重頭感情戲，相反因為身體有點不適，拍感情戲時發揮得更好，可謂意想不到。

　首次擔任編劇的唯唯今次賣樓投資拍電影，完全豁出去，如今電影煞科，他亦百感交集：「雖然我哋唔係大製作，但我哋用真心去認真製作，呢套戲絶不胡鬧，無論劇情、感情都係絶對認真，希望觀眾可以感受到我哋的誠意，亦希望大家可以再有機會合作。」

　至於阿Bob謙稱面對各演員都是演技派，令他有很大壓力，他指自己主要擔任氣氛擔當，負責搞笑，拍攝期間大家現場經常一起研究劇本和即興對白，感覺很開心。

　戲中飾演媽媽角色的伍詠薇笑言今次最大挑戰不是演媽媽，而是飾演陳山聰、Bob兩人的媽媽：「我唔係未演過媽媽的角色，但今次兩個仔的年紀居然跟我差不多大，真係好搞笑，拍攝時畀佢地的造型搞到我爆笑不停，背好劇本都無用，去到現場一見到佢哋，就一定忍唔到笑。」◇