香香岑麗香為HOYTV拍攝首部原創劇《我愛九龍城》現正熱播，佢為咗宣傳都不遺餘力，呢日就現身商台接受《一圈圈》訪問，同主持之一嘅阮兆祥難得重聚，兩人都十分開心。香香對此劇都好重視，毕竟係隔咗數年嘅第一套劇集，佢仲約埋好友齊齊睇首播。

　「我都係第一次叫埋啲朋友一齊睇直播，事關我好耐無拍劇，有好多媽媽朋友、不同人生階段嘅朋友，好似來港識嘅朋友好似陪住我一齊成長，所以搞個聚會一齊好開心，感受到佢哋嘅支持同對我嘅愛護，真係好感動。」雖然第一集戲份唔多，不過之後就會愈來愈多戲份。今次拍劇難得可以從全職媽媽嘅身分抽身，佢形容係METIME，反而返屋企湊仔先係正職：「拍攝時成日諗起佢哋，始終佢哋都有事發生，亦都要隨時隨地切換身份，好似突然收到學校的訊息，就要即刻轉去媽媽個身份去覆，咁都好嘅，可以訓練吓嗰腦靈活啲。」佢都希望可以拍多啲劇，有多啲METIME。

　今次去到商台都有不少粉絲專程去等候，香香都一一同佢哋合照甚至玩自拍，滿足哂粉絲所有須求才離去。◇