HOY TV首部原創劇《我愛九龍城》開播在即，除了陳家樂與岑麗香外，另一重要角色就係敖嘉年，周旋於陳思圻、蘇韻姿之間，佢呢日就帶同兩位劇中女友上鬼王潘紹聰嘅網台節目接受訪問，四人不約而同以黑白系列嘅服飾亮相，默契十足。

　原來鬼王喺《我愛九龍城》中都有客串一角，仲要突破自己做區議員角色，同嘉年有唔少對手戲，佢同嘉年又曾經於電台共事過，可謂識於微時。鬼王笑說：「我都係第一次做啲咁唔同嘅角色，仲要著西裝，真係好突破吓㗎。」嘉年更爆公司有意再開不同的劇，拍攝不同的地方，鬼王亦表贊成：「好喎，HOY TV一路拍落去，正喎。」

　嘉年就係劇中左右逢源，同Vicky陳思圻、Andrea蘇韻姿各有唔少感情戲，佢哋就最難忘要三人同床嘅戲份，Vicky嗔道：「我哋係用腳趾做戲，真係好特別。」嘉年就嘆道真係好攰：「我哋係腳交，用隻腳交流啊，哈哈。」Andrea自嘲在戲中是戀愛腦，簡直係迷戀嘉年。◇