阿倫噚日喺社交平台貼出一條片，片中見好友曾志偉帶領眾人一邊拍手一邊唱生日歌祝賀壽星，阿倫則戴上生日帽，雙手合十許願。見阿倫頻頻出post分享佢食生日飯嘅喜悅，就知佢生日幾忙，阿倫就話最近飯局有點多，未到正日生日已經咁多聚會。

　而譚詠麟國際歌迷會日前為偶像舉行大型生日聚會，見場內悉心佈置，阿倫感謝歌迷會給予好多驚喜及歡樂。

　譚詠麟國際歌迷會喺社交網貼出影片，回顧當日嘅聚會精彩片段，阿倫喺台上獻唱多首金曲，令場內瞬間變成小型音樂會，片中見羅鈞滿﹑衛志豪及莫家淦等上台合唱《左鄰右里》，而阿倫見到契仔關楚耀驚喜現身，亦相當高興。◇