【特訊】巴塞亞洲之旅第2站轉到南韓，昨晚對着韓職球隊FC首爾，兩位前曼聯師兄弟連格與拉舒福特在異地兵戎相見，「地上最強」憑新10號拉明耶馬梅開二度大勝7比3，亞洲之旅2連勝。

　巴塞今仗強陣出擊，羅拔利雲度斯基、拉明耶馬同拉芬拿比洛尼等全部正選上陣，FC首爾亦有前曼聯中場連格擔大旗，巴塞一開波即攻，8分鐘先有耶馬遠射中柱彈出，「羅拔佬」及時補中，不久耶馬左腳勁射破網，亦是轉披10號波衫的首個士哥。太早領先兩粒，巴塞明顯有些鬆懈，譲FC首爾連追兩球，幸好耶馬完半場前梅開二度，再度領先返入更衣室。

　易邊後巴塞不敢輕敵，費蘭托里斯中兩粒，安達斯基斯坦臣、加維各建一功，三名後備上陣球員有表现，而曼聯借將拉舒福特亦有後備落場，與連格師兄弟重逢，同場較技，雖然FC首爾都入多一球，但最終「地上最強」大勝7比3，亞洲之行連贏2場。

　【又訊】昨晚另一場矚目球會友賽，AC米蘭訪澳洲完全不留情面，九比零大炒主隊珀斯光輝。◇