賭王二房千金何超儀嘅老公陳子聰2022於澳洲探親期間因大動脈爆裂而生命危在旦夕，幸好經悉心治理休養後回復狀態。不過近日郤突然再次身體抱恙，已赴美國進行手術治理，超儀立刻停工照顧老公，情況令人憂心。

　超儀原本8月率樂團赴台東參與音樂節，於25日向主辦發聲明辭演，直述本人丈夫健康突生變故，經專業生評估需盡快赴美接受手術治療。作為家屬，本人必須全程陪同照料，並已安排相關醫療行程。經慎重考慮，實在無法如期參與本次音樂節之演出，並誠意向主辦單位致歉。超儀嘅經理人向台灣媒體表示，陳子聰早前感到身體不適，接受檢查後發現需要再次做手術。

　超儀前年接受鄭裕玲網上節目訪問時，首度披露子聰病情，大爆早年子聰一度暴瘦係因為有肝硬化同直腸炎，康復後至前年10月，子聰到澳洲探父母期間喺屋企搬床褥導致血管爆裂，入院做手術一度昏迷長時間，並形容醫生一打開子聰腹腔已經一地血，後來醫生為子聰換上人工血管，先得以保命。

　當時超儀同樣全面停工與子聰踏上漫長嘅康復之路，至早前子聰逐漸恢復幕前同觀眾見面，並與超儀一同宣布簽下其主診醫生Iman做藝人，力捧呢位救命恩人。7月16日Iman舉行寫真詩集發布會，擔任詩集監製嘅超儀一同現身，但就獨欠子聰，當時超儀仲話老公已經完全康復，好多工作在身，喺屋企家忙做後期製作。◇