郭可盈、林文龍結婚21年，感情恩愛，二人更育有一女，一家三口生活相當幸福美滿，可盈更不時會喺社交平台分享家庭照。

　適逢暑假，可盈同文龍趁阿女放暑假，即舉家歐遊度假，一家三口享受親子時光！可盈喺社交平台分享多張喺法國旅行嘅照片，同老公大方放閃之餘，亦放出15歲囡囡林天若嘅照片，林天若嘅靚樣更成為網民焦點。

　相中可見，林天若企喺名畫《蒙娜麗莎》前淺笑留影，唔少網民都讚佢氣質優雅，完全遺傳媽媽美貌！而喺另一張母女合照中更發現，林天若擁有一對逆天長腿，可盈亦駐顏有術，雖然囡囡已經咁大個，但美貌完全凍齡，身材都Keep得非常好，兩母女企埋一齊似兩姊妹多過兩母女！◇