一連三集的旅遊節目《玩轉澳門加倍Fun》將於7月19日起、逢周六晚上8點半翡翠台播映。這次製作組繼續找來的「後生仔」班底有陸浩明（6號）、游嘉欣（游游）、孔德賢（Danny）及戴祖儀（Joey），齊齊玩轉澳門。

　今次四人除了負責搜羅暫未列入港人熟悉範圍的澳門最潮最好玩最好食資訊外，還與上輯一樣要「盲盒式埋單」!為了符合「加倍Fun」主題，製作組每到一間重點餐廳，都會要四位主持上繳信用卡；當四人飲飽食醉後，製作組便會發問一條相關問題考驗四人，若果答錯，店主便會隨機從四張信用卡中抽一張出來埋單，分分鐘要成過千蚊埋單，令四位主持腎上腺素飆升。

　今集兩家「找數主題店」，分別是平民版葡國菜及「澳葡泰菜」餐廳。澳葡泰菜餐廳環境充滿異國風情，菜式亦相當有特色，四人品嚐「嫲嫲大蝦」時，戴祖儀落手幫忙拆蝦肉，孔德賢見狀大讚:「要盛讚下Joey，好少女仔識剝蝦。」Joey聞言即突然自我硬銷要進行「祖儀配對計劃」，並會在節目中大爆其中一個重要擇偶條件!

　這次游游繼續貫徹「論盡」及「味蕾黑洞」本色，當其餘三位主持都吃得津津有味時，唯獨游游每次也「唱反調」，更一度表示食唔出蝦味，令首度join澳門玩轉tour的戴祖儀大為傻眼。另Joey與游游單對單品嚐緬甸菜時，又大爆游游當年入行「攪亂檔」事件簿；原來當初游游入行第一個綜藝節目，就是Joey擔正主持的《電競王》，Joey還大爆游游當年被發掘入行真相:「因為我同嗰陣時嘅導演係好Friend㗎嘛，咁佢哋就喺social media搵靚女，跟住見到『呢個學生妹幾cute喎』，就搵你囉，緣份!」Joey續指游游當時需要演出一場「七情上面」的嗌救命場口，豈料游游雖然表情做到足，但最後卻多番以「零感情」+「零變調」方式嗌救命破壞整件事氣氛，令導演亦忍不住自我質疑:「點解我會搵咗呢個女仔返嚟？」

　四人還到了一間有畫畫的Café；感受文青氛圍，Danny、Joey更齊齊挑戰畫畫，之前曾趁工作「空窗期」勤練畫畫的Joey，即場大晒超強畫功，短短時間便畫出了一幅栩栩如生的肥媽畫像送給6號，獲6號笑稱「好似佛祖」!至於Joey對手Danny，竟將游游畫成「生蠔版」，令全場哭成不得!想睇佢哋點樣玩轉澳門？記得鎖定明晚播出嘅《玩轉澳門加倍Fun》啦!◇