邵氏新劇《執法者們》自播出以來收視與口碑都有好成績，為答謝觀眾支持，一班主要演員黃宗澤(Bosco)、馬國明、蔡潔、陳瀅、羅子溢、丁子朗、梁競徽、陳敏之與何依婷，昨日進行一個快閃派禮物行動，現場相當墟冚，不停大叫Bosco同馬明好靚仔，雖然個個演員派禮物派到大汗疊細汗，但睇見觀眾如此熱情，就覺得十分值得。

　《執法者們》在翡翠台已播出第四周，曾創出最高收視24.5，收看人數158萬人次之最高收視紀錄，成為無綫今年黃金時段兩線劇集最高收視之劇集，一眾演員為了親自答謝觀眾，昨日分成三組，到青衣長發街市快閃派禮物，跟觀眾進行一個近距離接觸，現場觀眾亦都好乖，遵守今次快閃行動之遊戲規則，完成跟電視播放《執法者們》時畀OK手勢合照或現場打卡分享到社交平台之任務，就可以得到一眾演員隨機派發之湯包、蛋卷、咖啡、零食鮑魚及礦泉水等禮物，可以跟一眾主角如此親近又有禮物，現場觀眾都十分興奮，期間《執法者們》總監製樂易玲亦特地到場探班，為演員打氣。

　負責打頭陣之梁競徽、陳敏之與何依婷，一出現觀眾就大叫他們劇中名字，令三人都覺得好開心，跟觀眾講下劇情、派禮物及合照，梁競徽亦忍不住表示估不到觀眾睇劇如此投入，令他感覺驚喜，而接力第二組到場快閃的馬國明、陳瀅及羅子溢，馬明發揮其強大親和力，跟觀眾打成一片，觀眾又大讚馬明好靚仔，羅子溢對於可以咁親近街坊去派禮物，佢覺得係好事，更希望公司可以準備多些禮物，去到香港每一區派禮物：「觀眾開心，我哋又多咗人鍾意，大家都好，又可以宣傳套劇。」

　至於壓軸出場之Bosco、蔡潔與丁子朗(丁丁)，一眾粉絲見到偶像Bosco現身，尖叫聲不絕，將快閃活動氣氛推向高峰。◇