每年七月仲夏都準備踏入寫真季節，今年就有一本尺度勁爆嘅寫真，前AV女優浜崎真緒推出嘅18禁寫真將會衝擊大家眼球。

　自從浜崎真緒宣佈從AV退役之後，粉絲以為從此再無機會欣賞到佢優美嘅身段，原來佢準備緊今年嘅終極引退寫真，尺度直逼去過去嘅作品，而且因為佢選擇咗香港作為佢演藝再出發之地，所以今次寫真全程喺香港拍攝，AV女優加香港味道與粉絲零距離接觸令人十分期待。

　全裸寫真超過30多個造型，由於拍攝靚相超多，浜崎真緒同攝影師都絞盡腦汁，選取最靚嘅相片收錄於寫真，隨書更附上一封情信，希望粉絲對佢有更深入了解。

　寫真更加有不同Boxset推出，等大家可以喺一代AV女神退役最後一脫之際收藏獨一無二嘅紀念品。隨着七月寫真推出仲會有一連串粉絲見面活動，包括喺中環蘭桂坊舉行嘅粉絲見面會以及DJshow，等粉絲可以欣賞濱崎真緒最後性感一面。◇