新加坡出生，長年於香港發展嘅才子蔡瀾於6月25日離世，享年83歲。親屬極之低調處理後事，完成後昨日向外公佈。「我們敬愛的蔡瀾先生於2025年6月25日(六月初一)，在親友陪同下，於香港養和醫院安詳離世。遵從先生意願，為免叨擾親朋，不設任何儀式，遺體已火化。在此感謝各位對蔡瀾先生的關懷。」

　蔡瀾近年曾多次傳出身體狀況欠佳消息，4月底就曾傳佢需於深切治療部留醫，唯之後佢發文指屬誤傳。年屆古稀嘅佢2023年曾跌傷，之後有指佢月花數十萬雇用多人團隊照顧自己生活所需。

　蔡瀾一生經歷豐富，無論電影、美食、寫作都有研究，又被認為同黃霑倪匡金庸係香江四大才子，可惜滿腹墨水出口成篇嘅四人如今俱以作古。◇