佘詩曼23日出席飲料代言活動，與同場的陳豪久未見面，二人在台下十分好傾。陳豪大讚阿佘完全無變過，提到當時合作過的《公主嫁到》、《宮心計》、《天與地》，而要選最經典的一定是《火舞黃沙》，阿佘表示如果有機會再合作，一定會是《火舞黃沙》，期待陳豪與黃德斌再騷肌。

　阿佘近日忙於開劇，好姐妹湯盈盈、文頌嫻生日在即，她表示劇集差不多煞科，應該有機會與好姐妹慶祝，而提到自己的生日，收了不少Labubu，阿佘即笑笑表示：「好開心，佢哋知我鍾意，而家擺晒喺酒店房陪我睇劇本。

　阿佘代言的茶標榜零糖、零卡路里，問到如何成為她那杯茶，她表示：「零脂肪但多糖，（會唔會送Labubu有優先？）唔會，我唔係物質主義。」◇