【專訪】今年父親節遇上經濟環境不好，不少父親的願望是保住份工，「唔好畀人炒魷魚」，坦言當下好大壓力。

　昨日是父親節，不少家庭如常攜老扶幼到酒樓飲茶，聚天倫之樂。民生區酒樓生意明顯增加。有酒樓經理稱，父親節茶市生意不錯，中午時段都要等位。不過，晚市訂枱就一般，可能經濟不好，大家都冷靜消費。不過，亦有餐廳負責人稱，一早已訂枱爆滿，其中有日本菜餐廳除了訂枱爆滿外，連外賣訂單都已爆，下午三點已截單，坦言，「師父做唔切呀！」另外，今年父親節不少餐廳都推出優惠套餐，希望吸引客人。

　今年父親節遇上經濟環境不好，不少父親的願望都離不開工作，希望保住份工，唔好畀人「炒魷魚」。有父親坦言，現時經濟環境十分差，身邊不少朋友失業，或公司業績好差，好擔心失業，加上近日衛星場都話執笠，好驚連鎖效應，因此，希望政府相關官員多點留意市民意見，多點了解民情，落實優先本地人就業和外僱退場機制。亦有父親稱，自己四十多歲，上要照顧父母，下要養育兩個十歲多的小朋友，太太疫情後失業，仍未搵到工作，平日只好做下兼職幫補下，自己是屋企經濟支柱，坦言壓力山大，好擔心失業。◇