一套以少年罪犯及寬恕為題材的電影，帶來兩代型男黃秋生和歐鎮灝（George）的合作，並一起接受Hoytv主播俞詠文Angela的專訪。

　首次登上大銀幕已經和黃秋生和蘇玉華做對手戲，George既驚且喜，而秋生亦都大讚George的表現：「一般由電視台啱啱出來嘅人，要佢扮細個，就會變得好似白痴咁！爭在未畀個奶咀佢食！但係George就冇囉！」

　講到早年有一套電影，秋生亦是飾演牧師，他就笑罵那套電影：「那套戲真係垃圾之中嘅垃圾！真係非常精彩地垃圾！成套戲同牧師冇關係嘅！總之係垃圾啦！呢部當然唔同啦！」

　電影中出現不少聖經內的金句，其中一句是原諒敵人七十個七次，秋生就不能認同：「因為仇恨係一個好重嘅負擔，會令自己好唔舒服，成日都好似火燒心咁，所以就好想原諒人，但又原諒唔到，所以成日都好辛苦囉！即係例如有人無端端鬧你老豆嘅，你會唔會原諒到佢呢？唔得呀嘛！」

　早前George為了宣傳電影，就以戲中的角色身份，在旺角街頭重演背十字架的戲份，最後還赤腳上陣，秋生哥亦自嘆不如：「乜而家嘅世界要做到咁嘅咩？我唔係話你唔好呀！畀我就一定唔做啦！對你來講係一個好好嘅經驗，而當我知道佢唔着鞋，我就話咗句，香港啲街道好污糟喎！想當年我好似你咁靚仔嘅時候，懶有型着草鞋出街，點知地下草脊啲細菌入脚，搞到爛咗好多年，爛完左腳到右腳爛，痛到係行唔到路㗎！最後點樣好返呢？我一入到去亞洲電視訓練班就即刻好返呀！哈哈哈！真㗎！亞洲電視真係好勁㗎！哈哈哈！」而George亦笑言當日路人的表現很有鼓勵性，亦會講笑話，覺得香港人充滿幽默感。◇