劉德華最近和最佳拍檔導演邱禮濤再度合作，首次拍攝商業罪案片，華仔表示拍攝這個題材是因為和大家息息相關：「雖然我自己唔玩股票，但都好影響我哋嘅進度，可能近排股市唔太好，投資老闆都唔太願意聽我哋啲故事咁！所以係好值得我哋去探討一下！」

　而講到在戲中和兩位女主角倪妮和黃奕擦出不少火花，華仔就笑言非常享受：「我不嬲嗌交都好叻，但我天生係談情嘅！我現實生活中唔係好識，但一拍戲就大情人上身，倪妮會畀一個好舒服，好好嘅環境，佢會令到我好自然咁墮入愛河！」

　而早前鄭則士提過如果學做人，一定要學劉德華，導演邱禮濤亦都非常認同：「因為之前我哋合作都係斷斷續續，但係到咗大約2016年，開始合作無間，我覺得佢一日一日咁長大，人就越來越好，如果以前係8分好，而家係10分好！我覺得佢而家嘅事業，就係我要做個好人！呢個係佢嘅使命！呢行好多明星都會擺明星款，但係佢一定冇囉！」華仔續說：「我由無間道就開始咗『我要做個好人！』呢件事，我覺得只要對人好，自己條路自自然都會順暢啲，做人都會開心啲！」

　華仔又透露自己曾經有被人出賣的經驗：「嗰次畀人出賣，由嗰一刻開始，我就覺得佢係一個壞人，我一定要同佢計較！我下下算住佢！但耐咗就諗下，算啦！自己嘻嘻哈哈，唔好同佢計較，最低限度，佢都冇害到你，最多都係皮外傷啫！」邱導亦贊同這種是成熟的表現，要高層次的人先可以做到這樣。

　二人合作無間，亦認同是對方的貴人。◇