現年73歲的「家燕媽媽」薛家燕近日忙於籌備演唱會，仍獲孝順子女送上溫馨母親節驚喜！昨日孫仔特意提醒媽媽準備鮮花，三代同堂，在加拿大的大女亦透過FaceTime隔空慶祝，畫面甜到漏！

　「孫仔真係細細個就識氹人，同我一齊切蛋糕唱生日歌，仲－齊講『媽咪母親節快樂』，即刻心都融晒！」家燕姐接受本報訪問時難掩喜悅，透露子女特別叮囑要「多啲休息、飲多啲靚湯、得閒行街睇戲」，更笑言：「後生嗰陣湊大三個仔女唔容易，而家見佢哋個個事業有成仲識反過來照顧我，真係好安慰。」

　忙到冇停手的家燕姐隨即預告重頭戲──五月二十五日假灣仔會展舉行的《薛家燕愛你無限66》出道66周年派對。為打造別開生面演出，她已密鑼緊鼓排練：「特別訂造咗套華麗古裝，仲請到吳若希、莊錠欣、同埋一眾圈中好友著古裝crossover，到時有排舞又有驚喜環節，保證耳目一新！」

　原定本周舉行的派對因檔期問題延至下周，家燕姐趁空檔笑說要「補眠儲定彈藥」。問到母親節願望？她冧爆表示：「最緊要仔女健康快樂，得閒陪我飲下午茶講心事，已經係最好禮物！」◇