【特訊】葡萄牙上場歐國聯主場以5比1大勝波蘭，提早取得出線8強資格後，領隊馬天尼斯好識做，放4位球星C朗、般奴費南迪斯、貝拿度施華、柏度尼圖離隊，不需要踢周二（19日）凌晨最後1場歐國聯分組賽作客克羅地亞，讓他們休息準備球會賽事。

　上述4位球員上仗都擔任正選，C朗射入2球及1次助攻，般奴費南迪斯轟入1球遠射世界波，柏度尼圖亦有1球進帳。馬天尼斯考慮到C朗已經39歲，餘下1場例行公事，不想他老人家太勞累，所以讓他返回沙特阿拉伯豪門艾納斯。

　至於曼聯隊長般奴費南迪斯因為停賽，更加不需要留低，曼城中場貝拿度施華、車路士翼鋒柏度尼圖亦獲得相同待遇，提早返回球會。馬天尼斯並說希望趁機試用新人，已經補選兩位U21小國腳法比奧施華、昆達出戰克羅地亞。

　葡萄牙「讓賽」之下，克羅地亞成為最大得益者，今場只要打和，就可以出線8強。◇