【專訪】昨日是父親節，酒樓中午茶市及晚飯人流旺，不少是三代同堂共聚天倫。有父親希望保住份工、生活穩定。

　昨日是父親節，不少仔女為表示對爸爸愛意，及節日致意，中午同爸爸媽媽飲茶慶祝，當中不少是三代同堂，攜老扶幼齊齊上茶樓，共聚天倫。有市民表示，平日家人都要返不同更數的工作，好少齊人飲茶，昨日剛好輪到自己放假，提早幾日訂枱，帶同父母各小朋友，一家人飲茶，慶祝父親節共聚天倫。

　有酒樓經理稱，昨日茶市十分旺，慶祝父親節，中午不少客人除了食點心亦會叫小菜，茶市基本分兩場都滿座。晚市方面，亦分了兩場，基本都訂滿，第二場，有顧客食飽交枱後，近十點仍有客人。

　有酒樓經理稱，父親節正日市況一向不及母親節，相信不少父親在父親節當日仍要工作，所以近幾日都有市民提前慶祝父親節。

　有父親表示，其實不用特別慶祝父親節，最重要是家人齊齊整整，大家身體健康，自己有工開，家庭和諧穩定，因現在本澳的經濟仍是「麻麻哋」，人工仍未返到疫情前，每個月剛好夠開支，好擔心「冇咗份工」，希望經濟快啲好返，「保住份工穩穩定定，唔好失業」。◇